गीत प्यार रा गांवाला (राजस्थानी कविता)

सदभाव बढ़ावां आपस रो, हेत-प्रेम से रेवांला
धुप खिले हर आंगण मं,  ऐसो सूरज ल्यावांला।

                                 सगळा धरमा ने गले लगा, गीत हेत रा गांवाला
                                विश्व बन्धुत्व फैलावाला, भारत रो मान बढ़ावाला।

                     
साधू-संता री धरती पर, धर्म-ध्वजा  फैरावांला     
शुर-वीरां री धरती पर, वीरां रो मान बढ़ावांला। 

                               
                                    गांव-गांव, ढाणी-ढाणी, आखर अलख जगावांल

                                    साफ़ सफाई राखाळा, धरती ने स्वर्ग बणावांला।

सगळा हाथा ने काम मिलै, ऐसी जुगत बणावांला

दिन में ईद, रात दीवाली,  हर घर मायं मनावांला। 

                                   ऊँच-नींच अर जात-पाँत ने, मिल कर दूर भगावांला

                                    टाबरियां न पढ़ा - लिखा, मिनखां में मान बढ़ावांला।

 सगळा ने मुफ्त इलाज़ मिलै, ऐसी  तजबीज बिठावालां                                                                      

 सोने री चिड़िया भारत ने, अब पाछो सम्मान दिरावांला।